Springbok Wereldbeker strategie

Hierdie is ‘n tegniese Rugby post. As jy nie Rugby so kwaai like nie gaan dit boring wees.

As jy brug speel word die hele pak uitgedeel en al vier spelers tel hulle kaarte op. Dit is jou kaarte. Dis nie soos Fish waar jy vra “Gee my al jou Kings” nie.

In brug is die Blommetjies, Harte, Grawe en Diamante net so belangrik soos hoe sterk die kaart is. In sommige gevalle is ‘n 2 van Clubs sterker as die King van Spades. Dit hang alles af van jou strategie en hoe jy jou kaarte speel.

Elke pak speelkaarte het vier Aces, 4 Kings, 4 Queens ens. Hoekom praat ons oor kaarte en rugby gelyk…? Want die kaarte is gedeel vir die World Cup rugby in New Zealand later vanjaar. Die spelers wat beseer is is beseer, en ons weet wie speel goed en wie speel sleg. Daar sal seker nog plek wees vir een of twee slegte beserings, maar die bulk van die groep is uitgesort.

Voor Helium besluit wie hy gaan kies moet hy besluit hoe hy gaan speel. Hierdie verklaring is sentraal tot die bespreking. Ons is Suid Afrika en in ons pak is BAIE Rugby Aces. Ons pak is so loaded dat ons partykeer drie of vier Ace of Spades het, maar net een mag op ‘n slag speel.

Daar is twee algemene strategiee wat PeeDeVee kan speel. Strategie een is ‘n 15-man assault waar ons expansive speel en die bal by die vleuels probeer kry en in die hoeke score. Strategie 2 is ‘n 10-man-war-of-attrition waar die voorspelers merciless is en jy van vaste fasset na vaste fasset speel. Jy probeer om strafskoppe te kry waar jou skopper dit kan oorskop en af en toe ‘n drie druk. Jy probeer in 30 sekonde fases speel en los fasette ten alle kostes beperk. Sentraal tot strategie 2 is verdediging en taktiese skopwerk.

John Smit pas nie by een van die twee startegiee in nie. Ek kan aan GEEN rationele verduideliking dink wat my sal toelaat om iemand soos Adriaan Strauss, Tiaan Liebenberg of Bismarck uit te laat nie. Gaan hy voor Bismarck speel? Indien nie moet mens wonder hoekom jy ‘n kaptein soek wat op die bank sit. Indien wel, hoe verduidelik jy vir die Suid Afrikaanse publiek dat Natal wen met Terblanche as kaptein, maar die Springbokke moet Smit he om te wen?

Vereistes vir strategie 1.

• ‘n Oopkant flank wat eerste by die afbreekpunt is. Niks lyk slegter as ‘n senter wat getackle word en dan is Pocock of McCaw daar om die bal te steel nie. Tweede is laaste. As jy nie seker is jy kan eerste in die 13 kanaal kom kan jy nie wyd speel nie. As alternatief kan mens ‘n senter poacher soos Juan de Jongh speel, maar hy is nie so effektief soos Brussouw nie. Ons het net een Ace (Brussouw), alhoewel Bismarck en Beast ook partymaal bydra. Schalk Burger, Keegan Daniel, Duane Vermeulen, Pierre Spies, Juan Smith en Willem Alberts is almal oneffektief met fetching. Ons het net een ‘jakkals’ 6 en dit is Brussouw.
• ‘n Losskakel wat die lyn kan wegkry. Hoe dieper die losskakel speel hoe moeiliker is dit vir sy senters. Danie Craven, in Grondbeginsels van Rugby, het geskryf dat mens uit diepte moet aanval. Indien mens egter te diep begin kan jou flanke nie agter die kontaklyn kom nie en verloor jy die losbal teen die losvoorspelers wat op die voorvoet is. Morne Steyn speel baie diep en probeer om die spel met sy voet te beheer, Peter Grant speel baie vlak en gebruik Schalk Burger om die kontak in die middel van die veld te kry en Pat Lambie is iewers tussen die twee.
• ‘n Skrumskakel wat kan breek. Sodra die skrumskakel kan breek skakel dit drift defence uit. 6 en 7 van die opponente moet gebind bly om die kanaal langs die skrum op te pas, wat beteken hulle kan nie die senter kanaal oppas nie.
• Senters wat kan breek. Ons het 3 Aces (Jaque Fourie, Jean de Villiers en Juan de Jongh), en dan ook Wynand Olivier wat minstens ‘n King is.
• Vleuels wat kan finish. Bjorn Basson is PUIK en JP Pietersen lyk baie goed. Gio Aplon sal saamgaan, maar sal miskien as plaasvervanger speel. Ek dink nie Habana sal hierdie jaar span maak nie. Lwazi Mvovo is baie meer elektries as Habana en ek kan nie regtig verstaan waarom Natal hom nie meer speel nie. As die vleuel die bal kry moet hy score.
• Mobiele stutte. Stutte begin al hoe meer feature as die hammers wat die deur platslaan. Mense soos Coenie Oosthuizen, Beast en Gurthro is dinamiese baldraers wat skynbaar net so effektief soos senters is om die eerste lyn van verdediging te breek.

As mens strategie 1 speel (Expansive hardloop rugby) sal ek die volgende span kies.

15  Gio Aplon

14 JP Pietersen

13 Jacque Fourie

12 Jean de Villiers

11 Bjorn Basson

10 Peter Grant

9 Sarel Pretorius

8 Pierre Spies

7 Ashley Johnson

6 Heinrich Brussouw

5 Andries Bekker

4 Flip van der Merwe

3 Jannie du Plessis

2 Bismarck du Plessis

1 Gurthro Steenkamp

Ek hou nie van hierdie strategie nie om verskeie redes.

1. Ons het nie ‘n back-up vir Brussouw met hierdie gameplan nie. Francois Louw is getoets en het nie gewerk nie. As Brussouw breek (en hy breek baie) moet ons ‘n nuwe strategie uitdink.
2. Jy laat jou baie oop vir counter strikes van vinnige agterspelers
3. Bjorn Basson se verdediging is suspect
4. Die losvoorspelers is nie hard genoeg nie.
5. Daar is nie plek vir Schalk Burger nie.

 Kom ons bespreek strategie 2. Dit word baie-keer verwys as 10-man rugby. Ek hou baie van hierdie strategie met die spelers wat ons beskikbaar het. Wat dit swaai is dat die Wereldbeer in Nieu Zealand gespeel gaan word. In alle waarskynlikheid gaan dit reen en die velde gaan swaar wees. Die voordeel van spoed word minder op swaar velde.

Wat het jy nodig:

1. ‘n Losskakel wat ALLES oorskop. Morne Steyn het ‘n track record en ek vertrou hom ten volle met die rol. Peter Grant is ‘n goeie understudy en back-up.
2. ‘n Losskakel wat die bal UITSKOP. Nie ver skop nie…UITSKOP. Die bal moet heeltyd dood gaan en die ander span moet nie momentum kry nie en die bal moet nie wyd gespeel word nie. Morne Steyn sukkel met uitskop en Schalk Burger moet hom ‘n snot klap gee elke keer as hy nie uitskop nie.
3. Slotte wat lynstaanbal wen. In my strategie speel Victor Matfield en Andries Bekker altwee, met Schalk Burger, Ashley Johnson en Juan Smith / Willem Alberts wat Bakkies Botha se enforcer werk doen. Ons moet al ons bal en helfte van die opponente se bal wen.
4. ‘n Fullback met die bonus plan. Die bonus plan is 3 bonus punte. Daar is Frans Steyn met sy 60 meter penalties en Riaan Viljoen wat dieselfde rol vervul. Hulle rolle sal baie maklik wees. As jy die bal binne jou halfgebied vang…Skop uit. As jy die bal in hulle halfgebied vang…Drop. Dis die gameplan vir ons 15. Jy sluit nie aan by die lyn nie, jy skop nie up-and-unders nie. Al wat jy doen is skop uit of drop. Dis al.
5. ‘n Moerse pak. Speel vir Schalk Burger, Willem Alberts en Ashley Johnson op losvoorspelers en Gurthro Steenkamp, Bismarck – en Jannie du Plessis in die voorry. Vat die bal en dryf. Elke keer. Bind hulle losvoorspelers in die vastelos vas en maak hulle moeg. As ons skrum moet ons regterskouer kry en as ons fases afdwing moet ons vorentoe gaan. Die eerstelyn stormram moet groot, aggressief en intimiderend wees. Daar moet ‘n vuur in die pak wees.
6. Vleuels wat skoppe jaag. Bjorn Basson en JP Pietersen moet skoppe jaag en druk op die agterste drie sit. Niks is meer destructive as ‘n vleuel wat balle bo jou fullback vat nie. Die flanke en senters kan nie tackle as hy klaar verby 15 is nie.
7. ‘n Skrumhalf wat takties kan skop. Fourie du Preez doen dit baie goed en hy is ook ‘n tweede ry verdediging. Fourie du Preez en Morne Steyn moet die reels van ‘n goeie skop leer:

• Dis uit. ‘n Skop wat uit is is altyd goed as jy Victor Matfield en Andries Bekker voor en Juan Smith agter het. Die ander span gaan ten minste helfte van die tyd nie hulle bal wen nie.
• Hy hop. As die bal hop begin dit gevaarlik raak. Dit is waar spelers soos Bjorn Basson op hulle beste is. As jy die bal in hulle kele afskop gaan ons sukkel met ons losvoorspelers.
• Jou ou kan hom vang. JP Pietersen en Bjorn Basson is puik hiermee. Skop teen die kantlyn waar hulle dit kan vang en ons die speler wat vang kan isoleer as ons die bal nie kan kry nie. 

Daar is probleme met die strategie. 

1. Is ons losvoorspelers vinnig genoeg om vir Quade Cooper te vang?
2. Is ons vinnig genoeg om by die kontakpunt te kom as hulle die bal hardloop?
3. Wat gebeur as hulle die spel vinnig maak en ons voorspelers sak uit?
4. Hoe gaan ons die bal by hulle afneem?

My punt is dat ons soveel merkwaardige spelers het dat ons die spelers by die spelpatroon moet kies. 

Ek sou die volgende span kies vir Strategie 2

15 Frans Steyn

14 JP Petersen

13 Jacque Fourie

12 Jean de Villiers

11 Bjorn Basson

10 Morne Steyn

9 Fourie du Preez

8 Ashley Johnson

7 Juan Smith

6 Schalk Burger

5 Victor Matfield

4 Andries Bekker

3 Jannie du Plessis

2 Bismarck du Plessis

1 Gurthro Steenkamp

Soveel mense soveel spanne. Ek het onlangs ‘n span gesien met Hennie Daniller het…!?

Ek self kan heeldag kyk hoe ons voorspelers rumble en Morne Steyn strafskoppe oorskop. But that’s just me…

 

Die World Cup kom

Elke ou wat Saterdag slaafs rugby kyk en deur die nat ongekruide Checkers biltong en droee gekruide taal worstel ken die tipe storie…

Al die boys is daar, die kinders jaag kak aan in die agterplaas, die mammies drink wyn en bespreek onheilige goed. (Ek weet dis onheilig want mens hoor nooit wat hulle se nie, en hulle hou op praat as mens naby kom).

As jy Afrikaans is, is hierdie setup die paradys self vir alle betrokke partye. Die pappas drink bier, die mammas skinner en die kinders hardloop soos wilde goed rond tot een teen die skuifdeur vashardloop.

Na die 3 uur game tussen Vrystaat en die Chiefs is dit duidelik Brussouw is die beste 6 flank in die land. Sarel Pretorius MOET skrumhalf wees en Ashley Johnston is ‘n breker op 8. As Juan Smith terugkom is al ons probleme op 7 opgelos. Coenie speel soos ‘n bees en Viljoen kan definitief dieselfde game as Frans Steyn speel.

5 uur steek ons die vuur aan tussen die games. Klippies Premium en Coke Zero (ons is cultured) vervang Windhoek Draught en die Stormers draf op teen die Brumbies.

Een van die laaities val van die muur tussen ons en die bure af. Hy bliksem in die Noem-Noem bos in en sy pa JP moet homself eers in die honde se kokosneuthaar kombers toedraai voordat hy in die koning van alle doringbosse kan inklim om die kind te gaan uithaal. Die kind gil soos ‘n maer vark en JP weet nie of hy dit oor sy hart kan kry om die kind in die bos pak te gee voor hy hom uithaal nie. Tussen JP en die Gardena Trimmaster mis hy amper die hele eerste helfte om die kind uit te kry. Die guardian angels is stretched thin in hierdie onbeheerde chaos en ongelukke gebeur as mens understaffed is…

Die mammies skuif hulle paartie kombuis toe waar die kind op die tafel le terwy hulle dorings uit sy rug en hol kan haal. Hy lyk soos ‘n turksvyblaar met sy groen Incredible Hulk speelpakkie en die dorings wat die ding vol sit.

Koekie maak pap, Baby en Bambi maak slaai en Sussie maak braaibroodjies. Die kinders pas hulself op, dis hoekom hulle op die mure ronddonner en afdonner. Die kind is ‘n mini-celebrity tussen sy maatjies en gee guided tours van die Noem-Noem bos. Hy wys van ‘n veilige afstand presies waar hy gele het en waar hy was vir elkeen van die drie houe wat sy pa hom gegee het. Die maatjies staan nader as hy aan die bos.

Obsessive Compulsive Joe braai (weer!, want hy’s obsessive compulsive oor braai en hy braai altyd), Peet supervise die drinks en JP eet chips.

Na die game is almal dit eens; Schalk is in ‘n klas van sy eie op 6, Duanne moet 8 wees en Peter Grant is definitief 10. Ons weet ten minste Jean en Jaque is die senters en Aplon se beste posisie is 15, waar hy die beste aanvallende heelagter in die land is.  Habana kom reg op 11 en Bekker is die beste 5 in die wereld.

Halftyd is die vuur reg. Hoe warmer die kole raak hoe warmer raak die manne (en Koekie en Bambi wat hulle misreken het met Soet Rose en nou besig is om met Twee Jongegezzelen op Mixt te flirt). Tiaan breek deur in die 76ste minuut om sy plek in die Wereldbeker beginspan definitief te bespreek en die Stormers byt vas vir ‘n naelbyt wen. Obsessive Compulsive Joe het die tongs. JP wil hom help as die vlamme bietjie hoog raak en kry ‘the-look-of-impending-painful-death.’ JP krap huiwerig waar die kokosneut hare hom nog krap en tree skrikkerig terug. Die alkohol het die facade van normaliteit van Obsessive Compulsive Joe wegebreek en al wat oorbly is die psigopatiese manie in sy oe en die instink gedrewe behendigheid. JP weet nie mooi of die rooi gloei in Obsessive Compulsive Joe se oe weerkaatsing van die kole of die ligte van iets diep duiwels wat in in Joe inklim as hy braai nie. Hy het nou twee tongs en ‘n vleishakkie om die T-bones mee te draai. Peet vat ‘n clip op sy iPhone en upload dit op YouTube. Hy link die clip op sy Facebook rekening en sy 1329 Friends en 27 Friend Requests kry dit almal. Peet is populer. Die spoed en finesse waarmee Obsessive Compulsive Joe werk is waansin. Sweet tap hom af en hy het nou twee braai tongs, ‘n vleishakkie, ‘n bierblik en yswater in sy twee hande. Alles word beheer deur die derde mag wat Obsessive Compulsive Joe se wese oorneem as hy braai.

Die 7 uur game begin. Dit is die weeklikse hoogtepunt van die mans se droewe bestaan. Vir twee ure is hulle in Manlike Utopia. Hulle mag poep, drink, vloek, voete op die bank sit en chicks se hooters bespreek want die mammas gee die voetvolk kos en die pappas is te dronk om die vuil kyke van die mammas te verstaan. JP krap sy eiers aanhoudend. Hy se dit jeuk van die kokosneuthaar kombers wat hy in die hondehok gekry het maar die res van ons dink nie so nie. Toe die girls bietjie eenkant toe staan reken JP as hy dit nie self krap nie gaan niemand dit doen nie. Koekie hoor hom en die manier wat sy vir hom kyk lyk my sy eie krappe is al aksie wat hy vanaand gaan sien.

Die Bulls suiker by die tonnel uit op Kingspark. Hulle kon net sowel Groen gedra het want elkeen is ‘n Springbok behalwe Fudge Mabetha wat dissiplinere probleme het.

Die Sharks se ondersteuners is bietjie stil want die son gaan al 6 uur onder in Durban en die biertuin is al van 3 uur af oop. JP se laaitie kots ‘n oranje (Fanta Orange en Niknaks) boog oor die Chinese Textile Industries Persiese mat. Dit maak Peet moerig want hy het dit self uit sy ouma se boedel gekies toe sy in 2009 dood is. Dit is al wat hy van haar oorhou en dit laat hom dink aan die dae toe hy in haar huis op Steynsrus gaan kuier het. ‘Dis ‘n fokken erfstuk man!!’ Dit is baie laat in die aand as mens na jou ouma op Steynsrus begin verlang.

Kankowski speel begeesterd op 8, Spies is aktief in die vaste los, Victor is puik op 5, Bjorn is ‘n masjien. Beast is weer op sy beste, Bismarck is puik en John Smit lei sy span goed.

Morne Steyn skop 7/7, maar hy mis twee tackles op Lambie wat twee mooi driee druk maar ‘n paar skoppe pale toe mis. Ons begin groot planne maak terwyl die manne die laaste paar minute om balbesit spook. Peet se selfoon biep nou non-stop. Elke keer as iemand LIKE druk op Facebook kry hy ‘n e-mail. Dit klink nou al of sy selfoon lui soos die e-mail notices deurkom. Sy battery raak pap net met piep-piep-piep. Hy verander die ringtone na silent sodat ons net mekaar kan hoor. Obsessive Compulsive Joe se video is besig om viral te gaan op YouTube.

Net na 9 bel CNN vir ‘n exclusive. Die sel is op silent, maar dit maak nie saak nie want die screen bly heeltyd aan soos die e-mails deurkom. Peet weet nie hoe mens die screen ook afsit nie want die lig skyn die hele tyd deur sy hempsak en lok muskiete. Bambi reken die sagte bottom lighting op sy gesig laat hom manlik lyk en doen dit vir haar. Sy wil he hulle moet wegslip in die tuin in maar Peet se hy kan nie want die lig is soos ‘n rescue beacon wat hy nie kan afsit nie. Die kinders sal hulle maklik sien.

Die laaste ding wat Peet onthou is toe National Enquirer net na 12 bel. Hulle wil iemand uitvlieg om te kom readings vat, want hierdie kak is nie normaal nie, selfs nie vir die National Enquirer nie…

Die volgende dag kry ek die nota op die agterkant van die Tops tillslip. Dis die somtotaal van ons beplanning om die Wereldbeker in 2011 te wen. As middelpunt van ons denke is ons span;

15 Frans Steyn. Fullback Gio Aplon. 14 JP Petersen 13 Jaque Fourie 12 Jean de Villiers. Linker vleuel Bjorn Basson. 11 Bryan Habana. 10 Morne Steyn. Losskakel Pat Lambie. Flyhalf Peter Grant. 9 Fourie du Preez. Skrumskakel Sarel Pretorius. 8 Ashley Johnson. Agtsteman Pierre Spies. Eighthman Ryan Kankowski. 8 Duanne Vermeulen. 7 Juan Smith. Toekant flank Willem Alberts. Blinde Flank Dewald Potgieter. 6 Schalk Burger. Oopkant Flank Heinrich Brussouw. Slotte Bakkies, Flip, Victor en Andries Bekker. Stutte Gurthro, Jannie, Beast en Coenie Oosthuizen. Hakker John Smit Bismarck

Met daai 31 ouens in ons begin 15-tal kan ons nie verloor nie…